This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

10.719   திருமூலர்   திருமந்திரம் -

அந்த மிலாஞானி தன் ஆகம் தீயினில் வெந்திடில் நாடெலாம் வெந்திடும் தீயினில் நொந்தது நாய்நரி நுங்கிடில் நுண்செரு வந்துநாய்ந ரிக்குண வாம்வை யகமே.	[ 1]
எண்ணிலா ஞானி யுடல்எரி தாவிடில் அண்ணல்தன் கோயில் அழலிட்ட தாங்கொக்கும் மண்ணில் மழைவிழா வையகம் பஞ்சமாம் எண்ணரு மன்னர் இழப்பர் அரசே.	[ 2]
புண்ணிய மாம்அவர் தம்மைப் புதைப்பது நண்ணி அனல்கோக்கில் நாட்டில் அழிவாகும் மண்ணி லழியில் மலங்காரப் பஞ்சமாம் மண்ணுல கெல்லா மயங்குமனல் மண்டியே.	[ 3]
அந்தமில் ஞானி அருளை அடைந்தக்கால் அந்த உடல்தான் குகைசெய் திருத்திடில் சுந்தர மன்னரும் தொல்புவி யுள்ளோரும் அந்தமில் இன்ப அருள்பெறு வாரே.	[ 4]
நவமிகு சாணாலே நல்லாழம் செய்து குவைமிகு சூழலைஞ் சாணாகக் கோட்டித் தவமிகு முட்குகைமுக் கோணமுச் சாணாக்கிப் பவமறு நற்குகை பத்மா சனமே.	[ 5]
Go to top
தன்மனை சாலை குளங்கரை யாற்றிடை நன்மலர்ச் சோலை நகரில்நற் பூமி உன்னருங் கானம் உயர்ந்த மலைச்சாரல் இந்நிலந் தான்குகைக் கெய்தும் இடமே.	[ 6]
நற்குகை நால்வட்டம் பஞ்சாங்க பாதமாய் நிற்கின்ற பாதம் நவபாதம் நேர்விழப் பொற்பமர் ஓசமும் மூன்றுக்கு மூன்றணி நிற்பவர் தாம்செய்யும் நேர்மைய தாமே.	[ 7]
பஞ்சலோ கங்கள் நவமணி பாரித்து விஞ்சப் படுத்ததன் மேல்ஆ சனமிட்டு முஞ்சி படுத்துவெண் ணீறிட் டதன்மேலே பொன்செய்நற் சுண்ணம் பொதியலு மாமே.	[ 8]
நள்குகைநால் வட்டம் படுத்ததன் மேற்காகக் கள்ளவிழ் தாமம் களபம்கத் தூரியும் தெள்ளிய சாந்து புழுகுபன் னீர்சேர்த்து ஒள்ளிய தூபம் உவந்திடு வீரே.	[ 9]
ஓதிடு வெண்ணீற்றால் உத்தூளம் குப்பாயம் மீதினில் இட்டா சனத்தினின் மேல்வைத்துப் போதுறு சுண்ணமும் நீறும் பொலிவித்து மீதி லிருத்தி விரித்திடு வீரே.	[ 10]
Go to top
விரித்தபின் நாற்சாரும் மேவுதல் செய்து பொரித்த கறிபோ னகம்இள நீரும் குருத்தலம் வைத்தோர் குழைமுகம் பார்வை தரித்தபின் மேல்வட்டம் சாத்திடு வீரே.	[ 11]
மீது சொரிந்திடும் வெண்ணீறும் சுண்ணமும் போது பலகொண்டு தர்ப்பைப்புல் வில்வமும் பாத உதகத்தால் மஞ்சனம் செய்துபார் மீதுமூன் றுக்குமூன் றணிநிலம் செய்யுமே.	[ 12]
ஆதன மீதில் அரசு சிவலிங்கம் ஓதும் இரண்டினில் ஒன்றினைத் தாபித்து மேதகு சந்நிதி மேவுத் தரம்பூர்வம் காதலிற் கோடல் காண்உப சாரமே. 20,	[ 13]

Thevaaram Link  - Shaivam Link
Other song(s) from this location:
This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song